三台八座 (Closed)

同個fd去咗依間好評都幾多嘅餐廳食。老實講食物一般啦。但超窩心服務。人情味大大加分。一入去個店員(唔知係咪老闆)就好親切咁款同我哋講嘢。叫嘢食又問我哋有無學生證。三張幾嘢都比人咁問真係都開心比軟殼蟹吸引所以叫咗依個咖喱飯。都辣辣哋。正常咖啡咁。軟殼蟹都炸得可以。但好似唔夠味道。另外叫咗個紅酒汁牛尾飯。個汁唔係好食到紅酒味但都可以。牛尾都正正常常咁。整體ok。落單嗰時已經問我哋要唔要多飯。另外上錯意粉又比埋我哋食加返個飯。勁慷慨。又問使咪再加飯我飲熱奶茶。佢上咗個茶又話唔知乜乜乜可能無咁好飲同我講可以轉。我見佢沖咗就算啦。都正常啦。另外咁啱嗰日無晒數據上網就用佢wifi。點知連極都連唔到。佢就瘋狂整個wifi又問我得唔得。搞咗一大輪終於上倒。佢又久唔久介紹佢啲餐。真係好健談總結食物有啲homemade feel。但親切嘅服務態度真係加分不少。從未喺香港其他餐廳感受到。