Video
Read full review
2022-10-06
199 views
見荳子出咗新菜式，咪幫襯下，結果中大伏。原條牛肋骨，真係得一條骨，同得個樣。 $244，一條硬掘掘、直筆甩一條骨。全部可食用嘅肉加起黎，不足2 Oz，依附喺條大骨上面。令我回想起中學讀文學讀莊子《庖丁解牛》。不過啲肉真心少，相信就算庖丁復生，都未必可以喺條骨度割出肉。 肉質一般，仲有咬唔開嘅筋膜，但肉味都OK濃(當你辛辛苦苦刮啲肉碎擺入口，一定feel到味道好濃，係濃濃嘅辛酸)。 最不知所謂嘅一點：個菜式頭三個字叫「啤酒烤」，但啲肉食落係完全無啤酒香。有啤酒味嘅係另外嘅一小兜啤酒燒汁，要撈黎食。既然肉還肉，汁還汁，就唔應該叫「啤酒烤」，應該叫「配啤酒汁」啦！ 至於芒果莎莎，淋咗喺條骨上面，無咩味道，食唔出明顯清香同鮮甜，亦凸顯唔到肉味，完全缺乏陪襯作用。 佢個上菜方式應該改成：啤酒燒汁趁熱淋上去，而凍嘅芒果莎莎就另上，咁就叫似樣少少。目前係完全不合理。 底下嘅雜菜數量不多，大概有4-5片青瓜、紅蘿蔔切成嘅薄片，薄薄捲起，無咩特別調味，勝在夠薄，如嫦娥羽衣輕薄，食落有秋天嘅味道：好似一陣西北風。 至於薯蓉，風格相當consistent，極少，都未認真食到咩味已經無哂。 成道菜得個樣，份量
$244，一條硬掘掘、直筆甩一條骨。全部可食用嘅肉加起黎，不足2 Oz，依附喺條大骨上面。令我回想起中學讀文學讀莊子《庖丁解牛》。不過啲肉真心少，相信就算庖丁復生，都未必可以喺條骨度割出肉。
肉質一般，仲有咬唔開嘅筋膜，但肉味都OK濃(當你辛辛苦苦刮啲肉碎擺入口，一定feel到味道好濃，係濃濃嘅辛酸)。
最不知所謂嘅一點：個菜式頭三個字叫「啤酒烤」，但啲肉食落係完全無啤酒香。有啤酒味嘅係另外嘅一小兜啤酒燒汁，要撈黎食。既然肉還肉，汁還汁，就唔應該叫「啤酒烤」，應該叫「配啤酒汁」啦！
至於芒果莎莎，淋咗喺條骨上面，無咩味道，食唔出明顯清香同鮮甜，亦凸顯唔到肉味，完全缺乏陪襯作用。
佢個上菜方式應該改成：啤酒燒汁趁熱淋上去，而凍嘅芒果莎莎就另上，咁就叫似樣少少。目前係完全不合理。
底下嘅雜菜數量不多，大概有4-5片青瓜、紅蘿蔔切成嘅薄片，薄薄捲起，無咩特別調味，勝在夠薄，如嫦娥羽衣輕薄，食落有秋天嘅味道：好似一陣西北風。
至於薯蓉，風格相當consistent，極少，都未認真食到咩味已經無哂。
成道菜得個樣，份量極少，味道一般，盛惠$244。好彩我無打針，外賣自取唔需要加一，賺咗嘻嘻👏！
強烈奉勸：除非你想要佢條骨煲湯，或者你屋企隻狗想要舊骨頭咬下，否則千祈唔好買呢道菜！！！
啤酒烤原條牛肋骨 配 香蒜薯蓉、芒果莎莎、雜菜
$244
31 views
0 likes
0 comments
Post
