Video
Read full review
2021-06-14
743 views
朋友係重口味寶寶，芫荽同蒜頭等都係佢嘅至愛😻，而我不嬲都最就得人，仲專登收集情報搵有乜餐廳啱佢食。今次就嚟到位於炮台山嘅「16 Shell」，皆因上網見到佢個新餐牌完全符合我哋心意。佢係一間西餐廳🍽，我相信冇人會唔同意，但其實又點止咁簡單？佢定位非常清晰，主打由美國引入嘅夏威夷X意大利Fusion菜🌺🇮🇹，咁即係乜嚟，等我食住話你知啦。黑炭黑蒜蓉包($80)，蒜蓉包同平日食開嘅完全唔同，除咗顏色與眾不同外🖤，味道都好特別。麵包好大塊，口感軟熟，黑蒜味道突出，但都算易入口，中間仲有啲位置濕濕哋，估計係蒜蓉。芫荽酥皮蝦比薩批($160/8吋)，本身想嗌啲輕量啲嘅小食，但自從食過一次酥皮Pizza🍕之後，我就愛上咗。比薩批有分6吋同8吋，價錢分別唔大，所以選擇咗後者。酥皮做嘅批超邪惡，牛油香滿溢，質感鬆脆。☘️芫荽係第一賣點，佢混合埋芝士毫無違和感，味道清香而不俗，就算唔係芫荽狂熱者都會喜歡。作為另一主角嘅蝦亦有成六隻咁多，新鮮爽彈。夏威夷蒜油蝦飯($135)，朋友喺門口就已經留意到呢道菜，因為有個牌寫住做緊外賣優惠。老闆話一定要試呢個飯，喺夏威夷好出名㗎🌺，香港就應該係佢哋獨有。蝦飯賣相OK
朋友係重口味寶寶，芫荽同蒜頭等都係佢嘅至愛😻，而我不嬲都最就得人，仲專登收集情報搵有乜餐廳啱佢食。今次就嚟到位於炮台山嘅「16 Shell」，皆因上網見到佢個新餐牌完全符合我哋心意。
佢係一間西餐廳🍽，我相信冇人會唔同意，但其實又點止咁簡單？佢定位非常清晰，主打由美國引入嘅夏威夷X意大利Fusion菜🌺🇮🇹，咁即係乜嚟，等我食住話你知啦。
黑炭黑蒜蓉包
$80
19 views
0 likes
0 comments
芫荽酥皮蝦比薩批
$160
38 views
0 likes
0 comments
芫荽酥皮蝦比薩批($160/8吋)，本身想嗌啲輕量啲嘅小食，但自從食過一次酥皮Pizza🍕之後，我就愛上咗。比薩批有分6吋同8吋，價錢分別唔大，所以選擇咗後者。酥皮做嘅批超邪惡，牛油香滿溢，質感鬆脆。☘️芫荽係第一賣點，佢混合埋芝士毫無違和感，味道清香而不俗，就算唔係芫荽狂熱者都會喜歡。作為另一主角嘅蝦亦有成六隻咁多，新鮮爽彈。
夏威夷蒜油蝦飯
$135
26 views
1 likes
0 comments
夏威夷蒜油蝦飯($135)，朋友喺門口就已經留意到呢道菜，因為有個牌寫住做緊外賣優惠。老闆話一定要試呢個飯，喺夏威夷好出名㗎🌺，香港就應該係佢哋獨有。蝦飯賣相OK，但齋睇樣你係諗唔到會咁好食。🍚每一啖飯都好重牛油蒜香，炒至乾身得來唔硬，粒粒分明；而蝦經過燒烤，所以特別香🦐。另外，落啲檸檬汁食又有另一番風味。成個飯真係令人滋味無窮。
香煎橄欖油大蒜鹽醃咸漁仔配無骨雞肶意大利麵
$150
19 views
0 likes
0 comments
香煎橄欖油大蒜鹽醃咸漁仔配無骨雞肶意大利麵($150)，意粉有幾蒜唔使多講。炸蒜富有自家特式👍，佢加入咗鹹魚仔一齊炒，肉眼就唔會見到嘅，不過鹹香味就較一般濃郁🧄。香煎橄欖油(Aglio e Olio)意粉要整得出色其實唔易，幸好廚師能夠將意粉煮得清爽有嚼勁，每條掛滿蒜油，配合埋蒜粒，口感好正🍝。雞肶亦都相當唔錯，外皮超脆，肉就保持嫩滑，兼且無骨啖啖肉🐔。
提拉米蘇
$80
11 views
0 likes
0 comments
提拉米蘇($80)，喺意大利餐廳食Tiramisu🇮🇹，感覺有信心保證。呢件提拉米蘇唔會太甜，酒味同咖啡味平衡得好好☕️，而且有酒味其實係好難得。芝士層唔算特別滑，不過整體質感都夠濕。另一邊廂，佢比我嘅感覺係比較有蛋糕嘅元素，可能因為餅底係一層薄嘅海綿蛋糕🤔。
Mango Day
$70
9 views
0 likes
0 comments
總括嚟講，呢間小店勁高質，食物定價唔平，但你喺度係能夠品嘗到，廚師將每樣食材都發揮得淋漓盡致嘅美食😋。食材全部都偏向重口味，不過成品卻無纏人嘅感覺。餐廳喺社交平台常言道「好味是良知」，佢絕對做到，推介🌟！
Post
