Video
Read full review
2011-03-21
16 views
一早知呢間店下午排長龍, 於是十二點去, 唔使等就有位.可能大埔超級城好貴租, 啲枱迫到密一密, 隔離兩位講乜嘢都聽得一清二楚, 我地兩公婆成餐飯都唔敢點講嘢.個人喜好的問題, 覺得用即棄筷子啲食肆冇咩誠意.兩人點了個吉列豬扒set ($48 + 咖啡$3), 豬腩肉set ($38), 午市冇加一, 總共$89.我地兩個第一次幫襯, 唔知個set包啲乜, 個待應妹妹好詳細咁解釋, 態度好好, 值得一讚. 老公點的吉列豬扒餐, 塊豬扒因為係淨廋肉啩, 咬落覺得幾硬, 好在唔算乾.個待應強調呢個餐的白飯可以免費添食一碗的, 我老公係飯筒, 以為佢實會添飯, 但佢第一碗已經食到苦口苦面 "好乾呀"四十幾蚊個餐, 都知冇可能用日本米, 頂多用東北珍珠米, 但個廚師用咗煮泰國絲苗米的方法去煮,即係水落得唔夠, 而且煮完冇焗, 加上啲米黏性唔夠, 煮出嚟啲飯散收收, 完全冇日本風味, 唔掂唔掂, 扣分扣分.吉列豬扒close up, 椰菜沙律冇醬汁的, 又係乾爭爭, 要倒另外碟沙律啲汁上去至食到.我點的豬腩肉set, 豬腩肉睇落雖然肥廋相間, 但口感又係乾的, 冇啲油膶嘅感覺, 一下唔覺意咬落
可能大埔超級城好貴租, 啲枱迫到密一密, 隔離兩位講乜嘢都聽得一清二楚, 我地兩公婆成餐飯都唔敢點講嘢.
個人喜好的問題, 覺得用即棄筷子啲食肆冇咩誠意.兩人點了個吉列豬扒set ($48 + 咖啡$3), 豬腩肉set ($38), 午市冇加一, 總共$89.
我地兩個第一次幫襯, 唔知個set包啲乜, 個待應妹妹好詳細咁解釋, 態度好好, 值得一讚.
老公點的吉列豬扒餐, 塊豬扒因為係淨廋肉啩, 咬落覺得幾硬, 好在唔算乾.個待應強調呢個餐的白飯可以免費添食一碗的, 我老公係飯筒, 以為佢實會添飯, 但佢第一碗已經食到苦口苦面 "好乾呀"
四十幾蚊個餐, 都知冇可能用日本米, 頂多用東北珍珠米, 但個廚師用咗煮泰國絲苗米的方法去煮,
即係水落得唔夠, 而且煮完冇焗, 加上啲米黏性唔夠, 煮出嚟啲飯散收收, 完全冇日本風味, 唔掂唔掂, 扣分扣分.
吉列豬扒close up, 椰菜沙律冇醬汁的, 又係乾爭爭, 要倒另外碟沙律啲汁上去至食到.
我點的豬腩肉set, 豬腩肉睇落雖然肥廋相間, 但口感又係乾的, 冇啲油膶嘅感覺, 一下唔覺意咬落塊俾飯氣蒸腍了的紫菜度, 差啲啃死啲飯又係一盤散沙咁, 好在扒扒下飯, 發覺有啲醬汁流哂落碗底度, 於是不顧儀態啦, 用個湯匙係由碗底翻到上碗面, 係咁攪, 攪勻碗飯至入到口.
豆腐沙律okay啦
麵豉湯裏面放了新鮮蜆, 咬落好鮮甜
飯後咖啡, 本來都冇乜期望的, 但2杯咖啡嚟到, 2個人都打了個突, 嘩, 乜個presentation咁鬼肉酸㗎, 又唔係用馬克杯, 普通用咖啡杯, 竟然冇咖啡碟, 個匙羹就咁放入杯裏面, 吓, 咁用完糖個紙袋, 攪完咖啡個匙羮擺响邊? 唯有放响張枱, 搞到張枱垃圾崗咁, 唔知成何體統本來想俾個喊面的, 不過見佢開咗唔係好耐, 算罷啦.
p.s. 見到隔離附近枱都係叫咩汁煮豬扒飯, 洋蔥蛋豬扒飯, 至明白下次嚟呢度, 要點之汁液多的飯至得嘅.
如果有下次的話.............
Post
