九井壽司 (Closed)

去到九龍灣宜家傢俬睇嘢，睇完野當然要食返啲嘢，好彩睇完嘢仲係下午，就可以去食個lunch下午茶咁樣，最近比較少食到日本嘢，所以就決定咗嚟呢間日式餐廳！裏面好得意，好似日本嗰啲新幹線，大人細路都啱，而且佢其中一條軌道係可以連湯嘅嘢食都可以出到，好安全咁送到目的地，就比較神奇！ 鹿兒島醬燒豬軟骨烏冬$68豬軟骨醬香濃郁，而且質感比較軟稔，個湯底都幾香，分量十足。午餐溫泉蛋白豚肉飯定食$78白豚肉都幾好食，唔會太乾，而且份量十足，溫泉蛋Mix埋啲醬汁一齊食就最好不過。特式海膽$35火炙鹽燒鵝肝壽司$28壽司也比想像中好吃得多，海膽方面雖然不是當做季節但仍非常鮮甜，鵝肝質感入口即化而且表面燒得焦香，值得推介！日式煎餃子$36唐揚炸雞$28當然不少得一些日式小吃，蒸餃子表面金黃，熱香豐富；炸雞金黃香口，而且雞肉仍然保留嫩滑的質感。