Video
Read full review
2024-07-31
410 views
去茶果嶺海濱公園，除咗可以帶小朋友放電之外，仲可以帶小狗去散步，夏日炎炎行吓海邊都可以消吓暑，總好過人山人海長途跋涉返大陸。今次去完茶果嶺海濱公園散步，經過一間一直bookmark 左嘅餐廳，咁就啱啦，一於入去探下店！環境：⭐️⭐️⭐️⭐️⭐️餐廳走木系風格，用上藤椅木枱，亦都有室外用餐區，適合帶寵物人仕，充滿東南亞度假感覺，室內外有多個打卡位都好靚。是日餐湯南瓜忌廉湯南瓜湯Creamy得來唔會漏，配上意式麵包方塊，香草味濃郁，好適合沾上湯一齊食香煎帆立貝日式咖喱意大利飯 $102 （+$18 升級午市套餐）大玩日式fusion配上意大利飯濃郁日式咖喱汁滲透每一粒意大利飯中，意大利飯黏黏口感加上日式枝豆，增添不同層次口感，加上煎得啱啱好嘅帆立貝，fusion得嚟又幾夾秘製滷牛面頰肉配糖心蛋和風蕎麥拉麵 $92 （+$18 升級午市套餐）又一fusion玩味之作，牛面頰肉滷得非常入味，中間筋膜位置入口軟腍，配上和風蕎麥冷麵中和油膩感，糖心蛋、加上泡菜酸瓜令蕎麥麵更加添1分清新感，唯蕎麥汁可以淡返少少和凍凍地咁就Perfect自家製焦糖餅冰咖啡 $33夏日炎炎，梗係嚟杯冰咖啡，焦糖餅好香慢慢溶化喺咖
去茶果嶺海濱公園，除咗可以帶小朋友放電之外，仲可以帶小狗去散步，夏日炎炎行吓海邊都可以消吓暑，總好過人山人海長途跋涉返大陸。
今次去完茶果嶺海濱公園散步，經過一間一直bookmark 左嘅餐廳，咁就啱啦，一於入去探下店！
環境：⭐️⭐️⭐️⭐️⭐️
餐廳走木系風格，用上藤椅木枱，亦都有室外用餐區，適合帶寵物人仕，充滿東南亞度假感覺，室內外有多個打卡位都好靚。
是日餐湯南瓜忌廉湯
南瓜湯Creamy得來唔會漏，配上意式麵包方塊，香草味濃郁，好適合沾上湯一齊食
是日餐湯 南瓜忌廉湯
71 views
0 likes
0 comments
香煎帆立貝日式咖喱意大利飯 $102
（+$18 升級午市套餐）
大玩日式fusion配上意大利飯
濃郁日式咖喱汁滲透每一粒意大利飯中，意大利飯黏黏口感加上日式枝豆，增添不同層次口感，加上煎得啱啱好嘅帆立貝，fusion得嚟又幾夾
香煎帆立貝日式咖喱意大利飯
$102
15 views
0 likes
0 comments
秘製滷牛面頰肉配糖心蛋和風蕎麥拉麵 $92
（+$18 升級午市套餐）
又一fusion玩味之作，牛面頰肉滷得非常入味，中間筋膜位置入口軟腍，配上和風蕎麥冷麵中和油膩感，糖心蛋、加上泡菜酸瓜令蕎麥麵更加添1分清新感，唯蕎麥汁可以淡返少少和凍凍地咁就Perfect
秘製滷牛面頰肉配糖心蛋和風蕎麥拉麵
$92
8 views
0 likes
0 comments
自家製焦糖餅冰咖啡 $33
夏日炎炎，梗係嚟杯冰咖啡，焦糖餅好香慢慢溶化喺咖啡裏面，淡淡甘苦甜香喺咖啡中滲出嚟
Grapefruit Summer Soda $33
顏色非常吸引，紫色橙色影相非常靚，冰涼梳打加上淡淡西柚汁，酸酸甜甜，非常解渴
自家製焦糖餅冰咖啡 + Grapefruit Summer Soda
$33
22 views
0 likes
0 comments
📣📣星期一至五平日午市🥞🎉🎉🎉
佢哋嘅招牌甜品仲有半價，梗係要叫返個啦！
法式焦糖卡士達疏乎厘班戟 $64 （平日午市半價）
超級Fluffy，但係唔會好快就扁晒，係好實在嘅疏乎厘班戟，奶味十足但係唔會漏，配上焦糖餅淡淡甘苦甜味好balance，甜品控一定會10分滿足
法式焦糖卡士達疏乎厘班戟
$128
18 views
0 likes
0 comments
總結：⭐️⭐️⭐️⭐️
餐廳夠晒大，而且佈置落足心機，坐落街尾轉角，特別舒服寧靜，食物菜式有自己fusion 特色，值得一試，甜品尤其一勝，約朋友過嚟high tea或者聚會傾偈，我都會建議過嚟呢邊。另外佢哋冇收切餅費，所以好適合同朋友食生日飯，又可以好好打卡影相。平日下午茶&二人high tea set都好抵食，下次一定要試吓
Post
