波士BB

Open Now

Now Closed

兩個人少少口痕，最啱就係去旺角中心度過下口癮，去到呢間舖頭就俾佢五花八門嘅餐單所吸引。叫咗一份迷你安格斯牛堡、迷你翠玉瓜堡、加$20多份BBQ薯條，仲配埋雪梨梳打。雖然係迷你漢堡，但係都好足料㗎，中間嗰個牛肉都夠晒Juicy，相當厚身。BBQ薯條唔會太油膩，而且夠晒邪惡。雪梨梳打清涼又清甜。亦都額外叫咗杯紅肉火龍果香蕉汁，飲落去全部都係天然嘅水果香味，健康之餘仲可以幫助排毒。除咗有煎炸小食之外，更加有藥膳嘅雞翼、蛋蛋同埋鮮蝦！價錢中規中矩，今次叫咗一份雞翼，藥膳味道都幾濃。佢有個獨家推出嘅暴走杯，一路飲嘢一路食嘢拎得非常方便，下次一定要試一試！