叁去壹點心粉麵飯 (Closed)

對我哋呢啲新界人嚟講，薄扶林係一個好遠好遠嘅地方， 我四十幾歲人都只係去過薄扶林一兩次， 今次去到薄扶林純粹係因為買咗架新電單車，同friend一齊去嗰度兜下風顺便食下嘢咁樣睇番啲食評 ，有食家朋友話呢度買嘅手工點心。喂呀，唔好玩啦， 係點心都應該用手做㗎， 就算係工場做出嚟嘅大路貨色都係用手做啦，正常嚟講乜嘢都用手做㗎啦，唔通用腳做咩， 我真係好唔明白而家啲人點解成日都話，手做，手工， 根本係正正常常嘅事就搞到懶有驚喜咁。講返呢度啲嘢食其實係好有料到嘅， 蒸排骨飯同埋燒賣尤其好食， 嗰個蒸排骨飯食得出事係以前嘅味道， 更happy嘅係排骨飯嘅味道係好味過啲排骨 燒賣個樣唔係好靚但就好好味， 腸粉都係好好味， 唔係搞笑腸粉嘅豉油係好味嗰啲腸粉嘅。