四川辣妹子 (Moved) New Location

呢個烤魚份量足夠四個人食，但當晚想食呢個魚既意慾極高，兩個人都夠膽去食，本身極愛辣既我，滿懷期待去試。烤魚有其他配料，芽菜、蘿蔔、豆卜仲有薯粉。魚比較多骨食既時候要小心，仲有一啲花椒八角。其他配料放到最底加埋一直浸住，到食既時候真係好辣，怕辣就唔好食。涼拌前菜叫咗一個涼拌海蜇，都係辣既。有啲青瓜拌碟。海蜇本身係冇味，但加咗辣油同其他醬料撈埋一齊好正，海蜇好彈牙，拌碟既青瓜又好爽口，最後加埋芝麻超香。由於得兩個人食叫咗兩樣野，多啲人去比較好，叫既種類亦比較多。