甜入心 (淘大商場) (Closed)

地方唔大嘅街坊甜品舖，要咗戀上椰皇子（＄53） 其實就係鮮奶椰皇入面有湯圓、芋圓、地瓜圓。湯圓係普通芝麻湯圓。芋圓仔細食落都有芋頭味，但係偏細粒，冇咁有咬口。 椰味好足，味覺同嗅覺嘅享受，仲可以食埋椰子肉嚟食，相對飽肚啲。海底椰燉鮮奶（＄29）底係蛋白燉奶，奶味都香，但係未去到日本牛奶嗰種香醇。味道同椰皇子有啲相似，海底椰味道正正常常但唔係同燉鮮奶特别夾。唯一係食落偏甜，如果少啲糖會冇咁膩。