Video
Read full review
2018-11-07
541 views
突然心血來潮想去剪頭髮加染髮，所以打算係附近求其食啲野。因為一個人最好都係hea 食個快餐。記得呢間麵店已經開左好多年，又長期好多人坐係入面食野，心諗一定唔會差得去邊。由於係中午12:30，真係超級多人差唔多坐滿曬，不過樓面同廚房都好快手，基本唔洗點等已經有人serve。店外面貼左好多雜誌報紙報導佢地嘅clippings, 好似係主打清湯腩。好啦，就試下佢地嘅推介，叫左個牛腩雲吞米粉醫肚。個湯真係值得一讚，清得黎好濃嘅肉香味，又唔會好油！個牛腩已經煮到好諗，入口即融嘅感覺，而且都係有好香嘅牛肉味！我食到某2-3件有啲好爽口嘅筋，幾有咬口，配合入口即化嘅肉真係天衣無縫！不過雲吞就一般啦，無任何特別之處。我加埋杯凍奶茶，埋單$48，性價比尚算可以啦，都會繼續黎幫襯嘅 😆
由於係中午12:30，真係超級多人差唔多坐滿曬，不過樓面同廚房都好快手，基本唔洗點等已經有人serve。
店外面貼左好多雜誌報紙報導佢地嘅clippings, 好似係主打清湯腩。好啦，就試下佢地嘅推介，叫左個牛腩雲吞米粉醫肚。
個湯真係值得一讚，清得黎好濃嘅肉香味，又唔會好油！個牛腩已經煮到好諗，入口即融嘅感覺，而且都係有好香嘅牛肉味！我食到某2-3件有啲好爽口嘅筋，幾有咬口，配合入口即化嘅肉真係天衣無縫！
不過雲吞就一般啦，無任何特別之處。
我加埋杯凍奶茶，埋單$48，性價比尚算可以啦，都會繼續黎幫襯嘅 😆
Post
