僕之拉麵 (Closed)

今日行過旺角想食拉麵，喺OpenRice見到呢間有成360個好評，就嚟試吓。去到門口見到仲要排隊，有成5枱客等緊，心諗唔會差得去邊。我哋叫咗兩碗基本拉麵，揀咗濃湯湯底。食完第一淡心諗，味精湯黎嘅！湯嘅味道非常淡，完全無濃郁嘅豬骨湯味。麵嘅質量亦非常差。麵有啲淋同爛，亦都唔掛湯。叉燒就係薄叉燒，份量都算多，不過不失。建議如果大家想試，要抱住食味千拉麵嘅心態，就唔會失望。如果好似我咁諗住食一碗正常嘅日本拉麵，就會食到一肚火。最後奉勸大家唔好再信OpenRice嘅好評，唔係第一次中伏。