The BASE (Closed)

食午飯嘅時間又到，多得同事訂左位，落埋單，所以我地由牛頭角行去觀塘嘅時間，餐廳就已經開始準備緊野食俾我地。入到去等左無耐就有飯食啦！我就叫左八丁味噌燒牛肌腱、珍珠飯配醬菜同太陽蛋($75)，配英式奶茶。呢個飯有少少韓國菜嘅感覺，用左椰菜、洋蔥、紅蘿蔔同牛肌腱去煮，牛肉煮得好淋入味，入口幾乎唔需要點咬，其他配菜甜甜酸酸，配埋果醬汁非常好食！飯係用珍珠米煮，太陽蛋一吉D蛋液就慢慢流落黎，將蛋同飯混埋，再配埋個牛同配菜，好開胃，成個飯完美KO左。英式奶茶都有茶香味，再用鮮奶黎沖調，再加左少少糖水，飲落都唔錯。