蓮香居 (Closed)

其實我呢個人都幾悶！曾經係上環返工，就成日去蓮香居飲茶，當飯堂！以前係佐敦返工，就成日去逸東軒食飯，又係當飯堂！星期日下午去上環文娛中心看話劇，就想起蓮香居！仲識得泊車係永樂街非法位，無食牛肉乾，哈哈！真係、真係、真係好耐無來，感覺依舊親切，仍然係咁既枱椅，木凳腳、防火膠板座板，舊係舊 D, 但係舒服！水滾茶靚，茶壺仍然印有有香港蓮香四個字。叫了基本既蝦餃、鳳爪、鵪鶉蛋燒賣等等！喜歡呢度鳳爪，無太濃味精同色素，蝦餃皮薄蝦爽，以前必食既鵪鶉蛋燒賣保持水準，馬拉糕仍然蓬鬆可口，叉燒包餡料飽滿！完全滿足懷舊心態！開心其實真係好簡單！