Video
Read full review
2017-09-12
5710 views
朋友吹雞食飯，三個女仔食乜好? 有人提議食海鮮，咁我就提議食蟹火鍋，之前食過，一直念念不忘。一早睇左OPENRICE，知道做緊優惠，$998就有Holy Crab one 西式蟹宴($538/2位用）同Holy Crab two 日式蟹宴($588/2位用），兩個餐一齊叫就平百幾蚊，都幾抵食。入坐後店員更推介特別優惠 - $910就可以揀兩個海鮮SET，包括Signature Lobster Set/Holy Crab One/Holy Crab Two，如果叫兩個蟹宴，就會平左二百幾，真係好鬼抵，但係我地三個女生食到嗎?!最後都係決定散叫算，兩個蟹宴實食唔晒，海鮮打包又唔好食。大家幾經商量，最終決定叫一個通粉、一個日式蟹宴加一客芝士蟹肉釀蟹蓋，飲品就各自揀。飲品我叫左Pineapple & Mint tea$48，大大杯。入口好大陣新鮮菠蘿嘅香甜味，又有薄荷嘅清新香氣。入面落左大量粒粒菠蘿肉同新鮮薄荷葉，超好飲!龍蝦芝士Mac N Cheese $208，可以揀長通粉或意大利飯，我地揀左長通粉。嚟到比想像中細碟，放喺小淺鍋上面原鍋焗，爆多芝士。面頭有好多芝士碎同粒粒龍蝦肉，蟹鉗位亦有
飲品我叫左Pineapple & Mint tea$48，大大杯。
Pineapple & Mint tea
$48
31 views
0 likes
0 comments
龍蝦芝士Mac N Cheese $208，可以揀長通粉或意大利飯，我地揀左長通粉。
龍蝦芝士Mac N Cheese
$208
45 views
0 likes
0 comments
面頭有好多芝士碎同粒粒龍蝦肉，蟹鉗位亦有龍蝦肉(要自己拆)，如果順手幫我拆埋會更好。
醬汁好多好濃味，正! 好好食，但$208都幾貴。
呢個日式蟹宴係我推介食，因為真係好好食。先黎嘅係六小缽，擺碟精美，和風感覺。蟹肉玉子燒、蟹子日式凍豆腐、酸辣羅勒海蜆、柚子醋海藻沙律、虎蝦配芒果慕絲、海鹽枝豆。
蟹肉玉子燒上面有一梳梳真蟹肉，當然好食。不過今日呢個酸辣羅勒海蜆做得更好食，唔辣，煮得好入味，酸酸甜甜味道加上羅勒獨有清香更加帶出鮮味。
芝士蟹肉釀蟹蓋，配上三文魚子同火箭菜。個餐原本包一客，但呢個太正，另外加$68叫多一客。
面頭插住左白飯魚乾片，好香口，脆卜卜。
全個蟹蓋釀滿晒蟹肉，芝士味濃，一大啖一大啖咁食，好滿足。
火鍋係紙火鍋嚟，要小心食，唔係篤穿左就麻煩。入面有一塊昆布，清甜清熱氣。
店員建議先淥海鮮令個湯更鮮甜，成個海鮮盒都好大盒，蝦、蜆、青口、同埋兩款蟹放得滿滿。
蝦夠新鮮，爽口。
蟹就多肉多蟹膏。
但最大問題係海鮮大大件鍋太小，每次只能放一兩件蟹件，要分好多次放，攪到食好耐先食完。希望個鍋可以做大少少，一次過落多幾件會更開心。淥完海鮮，個湯已經吸收晒所有海鮮嘅精華，而且海鮮冇乜油份，用嚟淥菜最啱，又鮮味又健康。蔬菜配料擺放得好靚，魚型魚餅加鳴門卷，造型可愛~~~
魚餅下面係蒟蒻，爽彈煙韌，可以幫助腸蠕動，有「胃腸清道夫」之稱架。
火鍋後仲有蟹之雜炊，炊飯面頭有蟹肉，個飯應該係用蟹湯煮，吸收左蟹嘅鮮味。
最後係甜品，雲呢嗱雪糕，唔太甜，粉藍色好靚，但味道普通!
可惜三個人食唔到兩個蟹宴，唔係我都好想試埋個西式蟹宴，下次要試下先~
Post
