焼肉スマイル (燒肉smile)

呢間燒肉店有多款燒肉套餐，我哋揀咗兩個套餐一齊食，再$25升級加購韓食小菜同生菜自助吧無限放題。可以試晒唔同嘅韓式小菜。日和極上盛合套餐，有日本極上A5和牛、西班牙伊比利黑豚，仲有無骨牛小排、龍躉石斑同精選鮮蝦。A5和牛真係入口即溶，油脂分佈完美，食落去滿口肉香。黑豚同牛小排都非常嫩滑，海鮮有蝦好爽口。配埋越光米飯。再加配濟州海帶豆腐湯，湯底清甜，豆腐嫩滑。牛肉盛合套餐有無骨牛小排、Prime板腱牛、牛横隔膜、牛肋間條、牛舌，每一款牛肉都各有特色。尤其係牛肋間條，肉質嫩滑，油脂香濃。飲品方面，我揀咗鳳梨冰茶，酸甜適中，飲落去非常清爽。檸檬紅茶，酸酸甜甜，好解渴。甜品我揀咗提拉米蘇，好特別。