新泉發潮州飯店 (Closed)

大人有命要食打冷，不敢有違，因為上次去過陵發，於是揀咗呢度。打冷都係食o固幾樣啫：鹵水鵝片唔少得，豬腸拼鵝腸，今次加埋蠔餅。鵝片厚薄適中，唔會太o鞋又夠入味，掂！雖然份量少啲，不過墊底豆腐好滑，都送到幾啖飯喎。豬腸爽到不得了，鵝腸馬上失色不少，但其實兩種都好味，仲加少少韭菜底，正。蠔餅最後上場，似剛剛炸起，夠脆又夠味，而且完全唔腥。因為腥味，我已經好耐冇食蠔餅喇…整體食物水準出色，環境就一般過一般，而且舊咗啲。加埋兩個白飯 total $160，都算係咁啩！？