動漫樂園及主題餐廳 (Changed Hand) New Restaurant

妹妹推介呢間既有得食又有得玩既餐廳，最適合一家大細黎。餐廳位置與下層玩具反 斗城同一位置，地方好大，有三分一位置係擺放精品售賣品，例如文具，公仔和衣服等等。有三份位置擺放遊戲機，好似籃球機、推糖機、掉彩虹銀仔等……再行入去就係餐廳位置， 餐廳牆身貼滿卡通圖案 ，咁啱今晚唔多人，坐到舒服卡位，地方算頗闊落，枱與枱之間都可以有兩個人經過嘅。嘢食嗰part，我哋叫咗一個芝士鮮茄菠蘿焗豬扒飯， 豬扒幾鬆化，感覺似食緊大家樂嘅一哥焗豬扒飯 。胡麻醬雞髀露蘑菇意大利粉 ， 雞髀肉味道剛剛好，有胡麻的香味又唔會太濃 ，而且冇白汁甘油膩。 墨西哥薄餅薄餅皮比較脆薄， 餡料醬汁都足夠。 水牛城雞翼 ，雞翼炸得好香脆， 所有食物上枱嘅時候都係熱辣辣，賣相亦算有心思。另外加咗26蚊加兩個南瓜湯， 南瓜湯係偏稠，唔會水汪汪， 西瓜汁 雖然唔係太甜但係係新鮮即榨，唔會溝曬糖水。