Video
Read full review
2022-01-14
37 views
去完香港公園諗住行返落嚟蘭桂坊睇吓有啲咩食。一落斜路就見到個好搶眼嘅招牌，何蘭正😀個名玩味夠晒重！咁唔洗搵啦就食依間啦！名叫何蘭正，個裝修都好x正🤣🤣係7-80年代既格局，霓虹招牌同雞碗都充滿着懷舊嘅氣息！但係就播放住強勁嘅clubbing音樂，真係好Fusion!🤣港式生醃北海道帶子，配特選三文魚籽，清爽中華海菜沙律迷你雲耳，老油條脆粒 $148帶子鮮甜嫩滑有口感，加埋海草沙律一齊食口感豐盛，味道酸酸甜甜咁好開胃，如果大碟d就會開心d☺️麻婆風味意大利流心芝士，超甜荷蘭小蕃茄，刀削自靈菇肉鬆及西班牙香脆麵包 $158芝士外脆內軟，切開芝士半溶狀態，用黎點西班牙香脆嘅麵包一齊食就好似芝士火鍋咁👍🏻好creamy好好味，仲發現肉鬆同芝士原來係好夾！仲要讚一讚佢個白靈菇，真係切得好薄，口感好正好似食緊爽爽地既粉咁！24小時慢煮伊比利亞叉燒，配63°C日本溫泉蛋，紅洋蔥潰，香噴噴香蔥豬油撈飯 $188叉燒肉質好軟熟，味道好香同好惹味，裏面唔會好乾同好咸！撈埋蛋汁同豬油，真係食多碗都仲得！西班牙油炸鬼，配香濃花生忌廉，焦黃煉奶，黑芝麻雪糕 $108Churros炸到好酥脆，就咁食都好好味！個花生
名叫何蘭正，個裝修都好x正🤣🤣係7-80年代既格局，霓虹招牌同雞碗都充滿着懷舊嘅氣息！但係就播放住強勁嘅clubbing音樂，真係好Fusion!🤣
港式生醃北海道帶子，配特選三文魚籽，清爽中華海菜沙律
迷你雲耳，老油條脆粒 $148
帶子鮮甜嫩滑有口感，加埋海草沙律一齊食口感豐盛，味道酸酸甜甜咁好開胃，如果大碟d就會開心d☺️
麻婆風味意大利流心芝士，超甜荷蘭小蕃茄，刀削自靈菇
肉鬆及西班牙香脆麵包 $158
芝士外脆內軟，切開芝士半溶狀態，用黎點西班牙香脆嘅麵包一齊食就好似芝士火鍋咁👍🏻好creamy好好味，仲發現肉鬆同芝士原來係好夾！仲要讚一讚佢個白靈菇，真係切得好薄，口感好正好似食緊爽爽地既粉咁！
24小時慢煮伊比利亞叉燒，配63°C日本溫泉蛋，紅洋蔥潰，香噴噴香蔥豬油撈飯 $188
叉燒肉質好軟熟，味道好香同好惹味，裏面唔會好乾同好咸！撈埋蛋汁同豬油，真係食多碗都仲得！
西班牙油炸鬼，配香濃花生忌廉，焦黃煉奶，黑芝麻雪糕 $108
Churros炸到好酥脆，就咁食都好好味！個花生忌廉好香滑，成個甜品嘅配搭都好好！
台灣金鑽屭梨蟹茉莉 $58
椰青龍井冷泡茶 $58
飲品比想像中清淡，不過食完啲濃味野飲一杯清淡嘅凍茶作為完結都幾好！
Post
