麵屋一京 (Closed)

日本拉麵店越開越多，但每次都總係比吸引咗去試食。裝修嚟講不中不日，來自京都嘅拉麵店，但個大風扇貌似中國 60-70 年代，呢方面唔係太 match。 服務算不錯，同事有 heart 又靚女，唔知邊度請返來。另外佢嘅日文意外地發音凖確，呢樣嘢有真係唔係間間日本餐廳都做得到架（利申：N 年前日本語能力試一級）。介紹返佢嘅拉麵，湯底味道較濃又唔會鹹，但成碗豬膏係特色，真係有啲嚇親，卡路里唔敢計。拉麵嘅質地彈牙且量多，我都係第一次食唔晒碗拉麵咋。入面嘅叉燒紙咁薄，但夠鬆軟。外加嘅炸雞小食都唔錯，用咗日本快餐常用嘅椰菜配碟，感覺就馬虎咗啦。本身未有抱住太大期望，所以整體感覺還好。