番茄18

Open Now

Now Closed

隨著將軍澳不斷有新樓落成，食肆亦愈來愈多。今次行經將軍澳海旁，見到一間新開餐廳裝修好特別，餐廳內有多間「店舖」，連麻雀館都有，好似去左一條街內，好有懷舊feel。餐牌上的湯麵餐吸引了我既眼球，有蕃茄亦有麻辣，餸菜選擇亦不少。點左兩個餐，叫得蕃茄18，當然要試蕃茄湯底。蕃茄湯濃郁，而且有蕃茄粒粒。湯面的牛乳炒蛋亦好滑，個人認為炒蛋如果落少啲鹽更能突顯牛乳味。套餐包一個主食，點了吉列魚柳扒。魚柳剛剛炸起，又熱又脆，而且都幾大塊，好好味。另外點了麻辣湯米線。配上花生粒，唔會太辣，值得一試。配料都有幾多選擇，有墨魚頭都幾特別。加$20就食到兩隻瑞士雞全翼，價錢非常合理。瑞士汁都幾多！另外可半價點飲品，點特飲就最化算啦。天氣咁熱，飲完好舒服！