瀛豐放題料理專門店

Open Now

Now Closed

阿媽話想食放題🤓上網搵左呢間又有日本野又有泰國野食嘅放題同佢去食😎放題每位$258 ，可以另外加$148升級任食套餐😌我哋咁為食梗係升級埋佢啦！升左級有我最愛食嘅帶子喎，仲包住啲海膽架！仲有個海鮮拼盤，入面有鮑魚、長腳蟹、象拔蚌，全部都好新鮮！另外竟然有魚子醬😆仲有兩款生啤任飲添！本身個放題每人包咗一碗蟲草花嘅響螺湯，好甜好好飲！刺身都好厚切值得一讚嘅係壽司每嚿都細細嚿泰式野食方面食咗生蝦、滷豬手、飛天通菜、炒芥蘭等等！炸物方面有鹹蛋黃薯條、炸榴槤波波、芝士年糕、唔少得天婦羅啦！甜品櫃都有10幾款自家製甜品我就食咗雪糕，竟然有玄米茶同港式奶茶口味！