Video
Read full review
2025-01-05
578 views
今日經開廣華街附近，見新開咗呢間泰式小店，門口放住好多花牌，新開冇耐嚟試吓好唔好食先🤭👍🏻👍🏻👍🏻冬陰虎蝦湯呢個冬陰虎蝦湯簡直係必點！同船麵一樣用鐵鑊上，上到枱仲熱辣辣，印象中呢道菜係第一道上，本身好凍嘅我，飲完都即刻回暖🥰酸酸甜甜嘅濃湯入面有好幾種唔同配料，不同嘅菇菌同大蝦，份量可以提供兩個人以上飲都夠哂！👍🏻👍🏻👍🏻香葉肉碎煎蛋飯（牛)肉碎炒得非常入味，我哋叫咗正常辣度適中唔會覺得辛苦，呢度嘅炒嘢非常出色，夠晒鑊氣👍🏻👍🏻👍🏻份量都唔少，肉碎同飯嘅比例，簡直係一比一😍👍🏻船麵（牛)配金邊粉呢度嘅船麵用鐵鑊上，保持住溫度，湯底用咗牛血同牛高湯熬製而成，食落甜甜地，牛肉份量都唔少，仲有傳統嘅脆豬皮、豬肉丸、豬紅同通菜做配料好足料！👍🏻👍🏻👍🏻泰式燒牛肉呢個燒牛肉我個人十分推薦，用咗多種香料調製並燒香，食落比平時食開嘅燒牛肉味道更特別，而且牛肉軟嫩唔會過於難咬，我哋都係叫咗正常辣度，對於食得辣嘅人嚟講就啱啱好啦～👍🏻👍🏻泰式木瓜沙律呢個木瓜沙律真係越食越刺激，我哋都係揀咗正常辣度，越食越上火啊！不過佢調味非常好，酸辣甜乜都有齊，係喺香港少食到調味咁接近泰國味道嘅沙律👍🏻總括嚟講，呢間泰國
今日經開廣華街附近，見新開咗呢間泰式小店，門口放住好多花牌，新開冇耐嚟試吓好唔好食先🤭
👍🏻👍🏻👍🏻冬陰虎蝦湯
呢個冬陰虎蝦湯簡直係必點！同船麵一樣用鐵鑊上，上到枱仲熱辣辣，印象中呢道菜係第一道上，本身好凍嘅我，飲完都即刻回暖🥰
酸酸甜甜嘅濃湯入面有好幾種唔同配料，不同嘅菇菌同大蝦，份量可以提供兩個人以上飲都夠哂！
👍🏻👍🏻👍🏻香葉肉碎煎蛋飯（牛)
肉碎炒得非常入味，我哋叫咗正常辣度適中唔會覺得辛苦，呢度嘅炒嘢非常出色，夠晒鑊氣👍🏻👍🏻👍🏻
份量都唔少，肉碎同飯嘅比例，簡直係一比一😍
👍🏻船麵（牛)配金邊粉
呢度嘅船麵用鐵鑊上，保持住溫度，湯底用咗牛血同牛高湯熬製而成，食落甜甜地，牛肉份量都唔少，仲有傳統嘅脆豬皮、豬肉丸、豬紅同通菜做配料好足料！
👍🏻👍🏻👍🏻泰式燒牛肉
呢個燒牛肉我個人十分推薦，用咗多種香料調製並燒香，食落比平時食開嘅燒牛肉味道更特別，而且牛肉軟嫩唔會過於難咬，我哋都係叫咗正常辣度，對於食得辣嘅人嚟講就啱啱好啦～
👍🏻👍🏻泰式木瓜沙律
呢個木瓜沙律真係越食越刺激，我哋都係揀咗正常辣度，越食越上火啊！不過佢調味非常好，酸辣甜乜都有齊，係喺香港少食到調味咁接近泰國味道嘅沙律👍🏻
總括嚟講，呢間泰國小店真心出色，估計係泰國主廚先做到呢個水平，每樣食物都做出神髓，最緊要係價錢相當合宜而且份量足，絕對係比其他泰國餐廳抵食！
Post
