坤記煲仔小菜

Open Now

Now Closed

見到評語都偏系劣評，但因為今日真係好想食煲仔飯，行過又見佢唔使等位，所以搏一搏。店舖細細，有一半係國內客人，但好彩唔係太嘈，不過餐廳電視機長時間係播放國內嘅古裝戲，實在有啲沉悶。叫煲仔飯就預咗要等耐啲，因為需要時間製作。今晚分別叫咗「窩蛋牛肉飯」，同埋「滑雞飯」，原本想叫「白鱔滑雞」，可惜已經沽清。兩個煲仔飯都煮得好味嘅，啲飯好入味，飯焦都好香，佢哋嘅份量我覺得較其他舖頭為少啲，不過我哋就已經好夠食。樓面得一位姐姐負責，當然係踢晒腳，但我覺得佢又未至於好冇禮貌。總括嚟講，不妨一試。