嘴兒甜 (Closed)

好難得來到大坑。實在有太多嘢想試，今日想揀D草根美食吃吃。順興嘅車仔腸粉、炳記嘅豬扒及永興閣嘅肉餅已先後嘗過，好想吃吃阿伯伯嘅推車仔炭爐雞蛋仔，但去到快樂厨房附近，都唔見影，於是順住銅鑼灣道走，見到呢度有點心賣，仲有雞球大包添，馬上要一個...印象記得元朗係有一間分店的，但就從未來過...十一大洋一個，賣得比家附近嘅明珍貴一點。吃一口，包質感十分之鬆，一揻即散，唔係小弟杯茶；餡料都算足 --- 鵪春蛋、雞翼、豬肉及葱等，但就欠缺火腿粒。再吃多幾口，吃得出加入咗少許馬蹄粒，幾爽口，頗特別...餡嘅肉汁並沒有想像的多，有點失望...吃大包，都係返明珍食好過...