阿來泰式地道風味 (Closed)

第一次去阿來泰式(長沙灣分店)個整體感覺幾好。食咗好多野都係＄260，勁抵！尤其是係下午茶時間，好多嘢食都有折扣優惠。最好食係芒果糯米飯，係泰國餐廳必定要嘗試嘅菜！糯米飯柔軟度適中再加上香甜椰汁，味道一流，再加上芒果嘅配搭，真係口感十足，諗返起都番尋味。另外一個必食嘅係泰式沙嗲串燒，半打有六串，豬同雞各有三串。侍應一送到埋黎已經香噴噴，好想即刻食，賣相一流。我哋仲叫咗一碟生菜包，味道一般但勝在夠大碟，兩個人都食唔曬。另外，泰式生蝦刺身亦都係本店既推介菜，口感鮮甜爽滑，再加上秘製醬汁簡直一流！我仲叫咗一杯椰汁冰同龍眼冰。下午茶加特飲都係只需要加＄5，勁抵食。全個餐埋單都唔使＄50。椰汁冰入邊啲椰肉同啫喱勁好食，而且好香椰汁嘅味道。而龍眼冰對於我來講略為偏甜，不過啲冰融左之後都幾好，如果大家想試可以叫佢少甜。阿來泰式位於長沙灣A2出口，十分方便，搭地鐵行過去之後行5分鐘，地區旺中帶靜。室內環境挺好，裝修充滿着泰國嘅味道，而侍應服務態度良好友善。