Video
Read full review
2016-09-01
1770 views
同兄弟食飯個個人都係無底深淵，一定要食仼食，行過見呢間新開同晚市做優惠夠平，所以就試下。我地七點三到就好多人，好彩咁岩有位。坐低位置都寛闊，同枱面都乾淨企理，無污穢。坐低後會上開胃菜同生菜，都係泡菜酸瓜大豆芽之類。全部都好濃味。我地額外加左兩個premium menu 的肉。分別係烤特級雪花牛肉同黑毛豬後頸肉。特級雪花牛肉分量好多，至少有25件，每塊唔會切到薄，有接近一厘米厚。牛肉的油脂分佈勁靚，夠多脂肪同唔會有筋的位置岀現。燒落去我係燒40秒至50秒，就會有8成熟，真係好夠稔同好重牛肉味，無雪味，唔需要落五香粉，只係點少許豆瓣醬味，會食到原汁原味，結果只係十分鐘就食曬，差d要叫多點，無得頂。另一個的黑毛豬後頸肉，上碟果時就係一件仲個大個手的肉，有好多豬的筋，煮果陣真係要好耐，因為有1吋厚，要d時間。煮熟後要用剪刀剪成小塊，純肉的地方都幾稔同幾香肉香。但係筋的地方真係咬唔到，所以有3分1的地方食唔到，加上無經調味，要d麻油同醬汁先夠味。叫唔叫就見人見智。食左個烤豬肉，距調左味，夠曬咸但會有少少甜甜地，個味整得幾好，再自己包埋生菜，夠健康同無咁油，大家可以試下，因為生菜都幾fresh同脆
我地七點三到就好多人，好彩咁岩有位。坐低位置都寛闊，同枱面都乾淨企理，無污穢。
坐低後會上開胃菜同生菜，都係泡菜酸瓜大豆芽之類。全部都好濃味。
我地額外加左兩個premium menu 的肉。分別係烤特級雪花牛肉同黑毛豬後頸肉。
特級雪花牛肉分量好多，至少有25件，每塊唔會切到薄，有接近一厘米厚。牛肉的油脂分佈勁靚，夠多脂肪同唔會有筋的位置岀現。燒落去我係燒40秒至50秒，就會有8成熟，真係好夠稔同好重牛肉味，無雪味，唔需要落五香粉，只係點少許豆瓣醬味，會食到原汁原味，結果只係十分鐘就食曬，差d要叫多點，無得頂。
另一個的黑毛豬後頸肉，上碟果時就係一件仲個大個手的肉，有好多豬的筋，煮果陣真係要好耐，因為有1吋厚，要d時間。煮熟後要用剪刀剪成小塊，純肉的地方都幾稔同幾香肉香。但係筋的地方真係咬唔到，所以有3分1的地方食唔到，加上無經調味，要d麻油同醬汁先夠味。叫唔叫就見人見智。
食左個烤豬肉，距調左味，夠曬咸但會有少少甜甜地，個味整得幾好，再自己包埋生菜，夠健康同無咁油，大家可以試下，因為生菜都幾fresh同脆，好match，可以用雞肉同五花腩都得。
係熟食方面，食左煎餃，外皮煎得360度都好脆，入面係艽菜同肉，好香口同細細隻，唔會飽肚。
另外的係海鮮純豆腐辣湯，入面有d八瓜魚同蝦粉，好似食到有帶子。加上豆腐夠曬夠曬滑，唔會粉曬。味道有d辣辣地但係正常的，唔會咸同有d海鮮鮮味，煲得幾好。
最後的爐邊蛋記得落芝士，會好正拉絲！
同like埋距facebook仲有果酒送，甜甜地無咩酒味，解喝！
要讚下服務態度，因為距新開無手忙腳亂仲會留意下你d肉的大小，會幫你剪細，好nice 。一定會再去，好好食，肉夠新鮮。
Post
