一粥麵 (愉翠商場)

Open Now

Now Closed

愉翠商場有一粥麵，連鎖店嚟講，佢哋嘅雲吞麵同炸醬麵都相當有水準，經常都會幫襯。今日叫咗碗豬膶粥加炸兩；其實已經想食粥幾日，所以今日冇揀食麵，不過估唔到會鑄成大錯！由落單到攞得碗粥大約10分鐘， 不過一攞碗粥就知瀨咗嘢，豬潤已經熟到出晒水，浮晒喺碗粥面度，搵隻匙羹撩一撩碗粥，發覺稀杰似湯多啲，再食片豬潤，果然係過晒火😵‍💫，其實係咪所有連鎖店嘅豬潤粥都係咁樣呢？食咗半碗決定放棄，好彩炸両有水準，豉油略嫌鹹咗少少，但油炸鬼是脆的。接連遇到難食嘅豬潤粥，其實係咪上天要我戒豬潤呢？是日消費：豬潤粥$44 炸両$20 共$64