京滬佳餚 (Fashion Walk) (Closed)

對於fashion walk 又愛又恨，愛佢熱鬧，愛佢有露天位，有外國feel,恨佢太劑迫，太嘈，容易強檢及接招。又講陳年往事，當我識性時，阿爸阿媽帶我來此處麒麟閣食晚飯（位置即此餐廳對面），我們由上水出來阿媽照顧幾個细路，巴閉又粗老的，當時有個西裝經理白眼我們，即樣子厭煩，老咗還記得，最近跟妹提起，佢深刻到以後都不去食街，所以一次經歷對每一個小朋友影響程度不同，而此處變化亦翻了幾翻。說回食物，餐前小食麻辣蓮藕片，微辣，惹味，爽，開胃。小龍包$78，6隻，底食，熱騰騰，仙氣飄渺，皮彈而通透，肉汁清而多，不油不膩，有質感，不是攪到綿爛，但味不及麒麟館鮮。葱油餅$78，黃金三角，薄脆百層而焦香，當然有油，但不用纸巾吸收，好過后園。上海碳燒薰魚$98，多件，賣相色澤光潤，外香甜脆，中芯鲜嫩肉，沒有泥除，不像有些店炸到硬脆而且盡吸炸油。過多幾十年後，此處又如何，我又如何！