Video
Read full review
2022-01-09
222 views
📌 檸檬冰室📍 觀塘康寧道11號冠天閣高層地下
☎️ 26388809🔹🔹🔹🔹🔹🔹🔹🔹🔹🔹🔹🔹行經裕民坊，離遠已經見到一間新開嘅冰室，成間餐廳用上檸檬黃色🍋好eye catching，仲要大膽到用「就係好檸正」做招牌，就睇下幾檸正啦！入到去，好好彩有卡位。餐廳環境好新淨，檸檬黃嘅配色好sharp 醒光猛。仲有啲靠窗嘅高櫈位望番落裕民坊，好開揚。如果一個人靜靜地望住條街食都好舒服。💫鮮茄菠蘿焗厚豬扒飯（$60）有驚喜！完全無視成本咁爆多芝士🧀鋪滿整個焗飯！焗嘅時間拿捏得啱啱好，芝士味濃郁仲識拉絲，上面塊原片蕃茄🍅好新鮮多汁！菠蘿並不是切粒碎上而係好豪氣咁成塊鋪在焗飯上面。飯底係蛋炒飯，飯粒粒粒分明，軟熟又有飯香，即使焗咗，一啲都唔硬唔乾柴。豬扒好厚身，口感鬆軟香口又唔靭，肉質juicy，配合埋甜酸度恰恰好嘅鮮茄汁，味道層次非常豐富。💫咖喱雜菜蛋飯（$52）以為素🥦嘅咖哩會好單調？咁諗就錯喇。呢個咖喱雜菜材料一啲都唔馬虎。除咗蛋，仲有薯仔🥔、西蘭花🥦、雜菇、蕃茄仔🍅、茄子🍆。茄子仲食得出有炒過，絕對係誠意之作。咖哩夠香辣又帶少少甜味，送白飯真係一流。💫無冰奶茶（原價$24 / 跟餐+$12）
📍 觀塘康寧道11號冠天閣高層地下 ☎️ 26388809
🔹🔹🔹🔹🔹🔹🔹🔹🔹🔹🔹🔹
行經裕民坊，離遠已經見到一間新開嘅冰室，成間餐廳用上檸檬黃色🍋好eye catching，仲要大膽到用「就係好檸正」做招牌，就睇下幾檸正啦！
入到去，好好彩有卡位。餐廳環境好新淨，檸檬黃嘅配色好sharp 醒光猛。仲有啲靠窗嘅高櫈位望番落裕民坊，好開揚。如果一個人靜靜地望住條街食都好舒服。
💫鮮茄菠蘿焗厚豬扒飯（$60）
有驚喜！完全無視成本咁爆多芝士🧀鋪滿整個焗飯！焗嘅時間拿捏得啱啱好，芝士味濃郁仲識拉絲，上面塊原片蕃茄🍅好新鮮多汁！菠蘿並不是切粒碎上而係好豪氣咁成塊鋪在焗飯上面。
飯底係蛋炒飯，飯粒粒粒分明，軟熟又有飯香，即使焗咗，一啲都唔硬唔乾柴。豬扒好厚身，口感鬆軟香口又唔靭，肉質juicy，配合埋甜酸度恰恰好嘅鮮茄汁，味道層次非常豐富。
鮮茄菠蘿焗厚豬扒飯
$60
20 views
0 likes
0 comments
💫咖喱雜菜蛋飯（$52）
以為素🥦嘅咖哩會好單調？咁諗就錯喇。呢個咖喱雜菜材料一啲都唔馬虎。除咗蛋，仲有薯仔🥔、西蘭花🥦、雜菇、蕃茄仔🍅、茄子🍆。茄子仲食得出有炒過，絕對係誠意之作。咖哩夠香辣又帶少少甜味，送白飯真係一流。
咖喱雜菜蛋飯
$52
13 views
0 likes
0 comments
💫無冰奶茶（原價$24 / 跟餐+$12）
每日都要啪杯奶茶嘅我，去茶餐廳毫無懸念會叫奶茶飲。呢間冰室有無冰奶茶特飲，啱晒今日要同朋友傾耐啲嘅我。奶同茶嘅比例剛剛好，茶底都滑，叫咗少甜都有少甜到。強烈建議用餐時間比較長嘅話加多少少$轉特飲。
💫華田紅豆冰（原價$24 / 跟餐+$12）
杯華田紅豆冰上枱果陣真係嚇一跳，個分量係mega size! 比杯奶茶大一倍！目測一定超過500 ml 。
原來阿華田同紅豆個味係夾架喎，飲落去係沙冰嘅質地，都算幾多粒粒紅豆，紅豆好甜有開花好夠淋，仲有啲紅豆係打碎咗落杯特飲度，所以飲落口感好沙不單調。阿華田本身都係甜，呢杯特飲好甜人士一定不能錯過。
無冰奶茶 & 華田紅豆冰
$24
15 views
0 likes
0 comments
💫檸檬牛油雞中翼（ $50 / 5隻）
呢間冰室叫得檸檬冰室，點可以唔叫個檸檬小食。呢個檸檬牛油雞中翼賣相好吸引好colourful ! 上枱果陣熱辣辣，雞翼外皮炸到好脆口，食落肉質保持到夠嫩滑，一啲都唔乾。雞翼有醃製過，所以雞肉好入味。雖然係油炸，但用咗檸檬汁佐住，檸檬嘅酸甜味做到解膩又開胃嘅效果。
檸檬牛油雞中翼
$50
10 views
0 likes
0 comments
另外職員們態度親切友善。疫情期間都會溫馨提示食客嘟同量體溫。食落安心又放心。
總括都真係好檸正嘅。👍🏻😋
整體好食指數：🌕🌕🌕🌕🌕🌕🌕🌕🌕🌗（9.5 / 10）
🔹🔹🔹🔹🔹🔹🔹🔹🔹🔹🔹🔹
Post
