Video
Read full review
2017-04-05
210 views
上次嚟開呢度，覺得門面幾吸引，好似貨櫃咁樣。於是今晚行完街專登過嚟試吓。入到去，原來幾細㗎喎，仲要得返一張二人檯，好在咁啱另一檯食完走人，否則真係擔心張檯放唔晒啲食物啊！晚餐menu有肉類意粉、漢堡、沙律、小食等，價錢都幾相宜！香烤蜜糖雞翼 ($35)表面香脆，好似叉燒咁有少少燶邊，咬開熱辣辣，肉汁爆出嚟㗎，肉質仲好嫩滑添。雖然簡單，但真係好好味，大人細路都好難抗拒！普羅旺斯慢煮豬脾仔配蕃茄釀意大利飯及焗香蒜 ($128)乜個賣相咁得意嘅？睇之前啲食評話食物微暖，但呢道菜出晒煙啊！3隻豬脾仔非常非常淋，一切就骨肉分離，基本上唔用刀切都可以輕易地起晒啲肉出嚟，非常方便，冇牙婆都食到！蕃茄釀飯並唔新奇，但唔係好多地方會肯花心機去整，外形可愛酸甜開胃，飯粒軟硬適中，芝士夠晒多，不過味道會啖啲，所以配合番茄及甘筍雜菜醬汁一齊食就啱啱好喇！其實叫呢道菜完全係為咗嗰粒蒜頭，哈哈！果然冇令我失望，外皮好脆，蒜肉又軟又香甜，其實佢先應該係呢道菜嘅主角囉！角落芝士燕麥漢堡(牛肉)配脆薯條及田園沙律 ($108)超大個嘅漢堡，睇到都有啲飽！啲Mozzarella芝士好慷慨，跌晒出嚟㗎。個燕麥麵包外層微燶但
香烤蜜糖雞翼 ($35)表面香脆，好似叉燒咁有少少燶邊，咬開熱辣辣，肉汁爆出嚟㗎，肉質仲好嫩滑添。雖然簡單，但真係好好味，大人細路都好難抗拒！
香烤蜜糖雞翼
$35
3 views
0 likes
0 comments
乜個賣相咁得意嘅？睇之前啲食評話食物微暖，但呢道菜出晒煙啊！3隻豬脾仔非常非常淋，一切就骨肉分離，基本上唔用刀切都可以輕易地起晒啲肉出嚟，非常方便，冇牙婆都食到！蕃茄釀飯並唔新奇，但唔係好多地方會肯花心機去整，外形可愛酸甜開胃，飯粒軟硬適中，芝士夠晒多，不過味道會啖啲，所以配合番茄及甘筍雜菜醬汁一齊食就啱啱好喇！其實叫呢道菜完全係為咗嗰粒蒜頭，哈哈！果然冇令我失望，外皮好脆，蒜肉又軟又香甜，其實佢先應該係呢道菜嘅主角囉！
普羅旺斯慢煮豬脾仔配蕃茄釀意大利飯及焗香蒜
$128
13 views
0 likes
0 comments
普羅旺斯慢煮豬脾仔配蕃茄釀意大利飯及焗香蒜
$128
4 views
0 likes
0 comments
普羅旺斯慢煮豬脾仔配蕃茄釀意大利飯及焗香蒜
$128
3 views
0 likes
0 comments
普羅旺斯慢煮豬脾仔配蕃茄釀意大利飯及焗香蒜
$128
3 views
0 likes
0 comments
超大個嘅漢堡，睇到都有啲飽！啲Mozzarella芝士好慷慨，跌晒出嚟㗎。個燕麥麵包外層微燶但入面鬆軟，口感非常好；牛肉超嫩滑，一啲都唔覺鞋口乾身，肉汁豐富，咬開唔會散；下面幾層全部都係生菜、青瓜及番茄，所以就算好大份但其實食落都唔覺太膩，男士食啱晒！唯一問題就係，根本冇可能扮斯文去切呢個漢堡食㗎，因為實在太太太厚身，一切就會跌晒，所以根據店員所講，用張紙包住成個漢堡狠狠地咬啦！
角落芝士燕麥漢堡(牛肉)配脆薯條及田園沙律
$108
1 views
0 likes
0 comments
角落芝士燕麥漢堡(牛肉)配脆薯條及田園沙律
$108
6 views
0 likes
0 comments
角落芝士燕麥漢堡(牛肉)配脆薯條及田園沙律
$108
1 views
0 likes
0 comments
朋友仔叫咗個試吓，入面有黑枸杞、康仙花、金邊玫瑰、千日紅、金盞菊、紅棗片、桂圓肉，有助調養氣血滋潤養顏。賣相一流，材料豐富又色彩繽紛，加埋個掘寶藏嗰隻鏟嘅羹仔，好過癮呀！飲落去紅棗味濃，之後先有輕輕嘅玫瑰香，都幾有層次。鍾意飲的話，可以喺舖頭度買啊
百花養生茶
$19
4 views
0 likes
0 comments
落單時要求少冰，但店員話，根本係一舊冰柱，冇得少冰，笑咗。同個養生茶一樣賣相咁靚，一條充滿雜果嘅冰柱棟咗喺啲茶入面，好得意呀！開頭飲會覺得味道較淡，但當舊冰開始溶嘅時候，果味會更香濃，到最後仲可以食返晒所有雜果添！非常有創意嘅飲品，啱晒我呢啲鍾意新鮮感嘅人！
鮮雜果冰果茶
$25
1 views
0 likes
0 comments
睇之前嘅食評話上菜好慢，可能今晚晏咗啲去，所以上菜算快，而且食物都好熱辣辣，非常滿意！計埋每個人都只係$160，抵食！但最最最滿意嘅係佢哋播嘅歌！老實講，食咗大概個半鐘，我個咀差不多未停過，當然要食野個咀就梗係要郁，但最救命嘅係就算唔食野個咀都忍唔住要跟住啲歌唱！今晚有出場過嘅歌手包括彭家麗、容祖兒、Beyond、陳奕迅、關淑怡、楊千嬅、劉浩龍、Juno，真係想講，以一個80後嚟講，隻隻歌都識咁滯，係冇可能唔會跟住唱㗎囉！真係好辛苦，又要食又忍唔住要唱，再係咁落去真係唔洗走人。老闆娘話佢哋專登買咗個版權，所以可以隨便播歌，仲有支神器㗎，人少少嘅話係歡迎大家揸住唱㗎！下次嚟開呢頭，走入去唱返幾隻歌先走！
Post
