Ruby Tuesday (Closed)

上星期平日，去咗ruby tuesday 食晏。 之前食過荃灣嗰間嘅晚市都幾好食，但今次午餐真令人失望。 一行二人，叫咗兩個午餐，牛肉千層麵同ribs。 可揀湯或沙律，我地兩個都係揀湯，係雞肉忌廉湯，唔多熱，好普通。 beef lagsagna 一上枱真係嚇咗一跳，啲芝士多到嚇暈，而千層麵得好少又薄。中層肉醬好香，茄醬夠酸。 ribs 係有保障之選，ribs 好香，又唔會燒得太乾，幾好肉，配以薯條，都幾好！整體好平平，又貴，兩個餐加埋一都成二百幾，唔抵！