佳文魚生店

Open Now

Now Closed

我幾年前去過一次，已經覺得又貴又唔好食服務又唔好。今次諗住俾多次機會佢啦，點知仲換來一肚氣。我哋兩個人叫咗四碟魚生，池魚、象拔蚌同赤貝只係一般，但嗰碟400蚊嘅拖羅就差到不得了。d拖羅根本未解凍，咬落去有冰，又不停出血水，同有一大笪瘀色。我攞住碟只係食咗兩件仲有四件同成碟血水嘅冰拖羅同佳文個師傅講d拖羅有冰同出血水，佢話佢專登俾舊凍d嘅我(咁都得？新鮮嘅魚生係唔駛雪到咁凍個喎？!)。我話d魚生唔得，問佢有冇得換。個師傅好唔志在咁話佢d拖羅舊舊都係咁凍，而且貨都唔夠賣。咁算啦，我哋本來諗住食多幾碟，但係d嘢又貴又難食服務又奇差，我哋即刻止蝕離場俾錢走人。我以後都唔會嚟，亦會叫我d朋友唔好嚟。