大渣哥茶記 (Closed)

未想過九龍灣區茶記，收47蚊一個早餐，可以咁難食。餐肉麵早餐，得一塊淥熟的午餐肉，又漲又淋又漿的公仔麵，煎雙蛋係熱嘅，但油淋淋，正常D得牛油方包 ; 求其一間餐廳嘅水準，淨係講塊牛油方包，帶酸味嘅凍奶茶，冰就多，都好都飲唔落，盞浪費 ; 咁樣收你47蚊。我喺葵涌區某茶記食同樣嘅早餐只係收27蚊，水準仲好過佢少少，起碼D麵係大光麵好食少少，餐肉都起碼有2片。D員工服務態度又差，時運高睇你唔倒嗰隻。唉，有人請客都唔會再去。