DK Cuppa Tea (Closed)

衛生 5 分：地方好乾淨企理，食物又靚又整齊。環境5分：地方唔係好大，不過就裝修到好似一間喺叢林入面嘅小木屋咁，好warm好舒服。服務 5分：服務員不但了解套餐內嘅食物，對背後嘅故事同隱藏嘅意義都好清楚。解釋完又會一齊玩，一齊影相，好似一家人咁打成一偏，服務滿分。味道 4分：1) 玫瑰花園特飲有花香，好清爽，我鐘意。2) 件scone搽咗玫瑰jam又香又甜。3) 三文魚酥有牛油香，不過就唔夠鬆，扣咗半分。4) 鹹筒脆卜卜，唔同餡都好惹味。5) Cupcake好靚，柚子味好食D，紫色件薰衣草就乾咗D，所以又扣半分。6) 柚子芝士蛋糕又light又香軟。7) 莓味macaron好鬆好light。8) 柚子朱古力唔會太甜，個柚子味都好出。9) 紫薯雪糕唔係好甜，又食到薯蓉，唔錯。抵食4分：甜品功夫多，又靚又好食，一個人$298 + 10%比合理抵。