Video
Read full review
2022-11-10
82 views
位於尖沙咀寶勒巷嘅燒肉臻 燒肉店嚟喺係我心目中一直有個位置🎖️主打日式燒肉 除咗較常見嘅日本和牛同美國安格斯牛 仲有提供香港少有嘅鳥取和牛 同一啲特式肉類 例如鵪鶉等等😋呢度仲係全港第一間引入自助清酒販賣機嘅餐廳嚟架上次同朋友飽到捧住個肚走 今次都一樣無留手😆▫️前菜/小食青蘋果沙律好大盤🍏有爽口嘅青瓜絲同蘋果絲 加埋蟹籽同蟹肉 酸酸甜甜好開胃 而燒鱈魚乾係我食日本嘢每次必點 烘到脆脆地好香口 點埋蛋黃醬勁好味▪️牛類要咗兩款主打 第一款係日本和牛牛頸脊 係店員推介俾我哋 果然冇介紹錯🤤好耐冇試過入口即溶嘅感覺 油脂夠香又唔會太過膩滯 而且勁大一塊 兩個人share啱啱好 另外仲有呢度嘅招牌 牛肉盛合 係廚師發板嚟嘅 精選咗唔同嘅牛肉部位🐂有7款咁多 分別有美國同日本嘅牛 每款有兩件 日本和牛嘅牛背峰同belly位 唔洗講當然又係正 雖然不及牛頸脊嘅溶化程度 不過都半溶架啦😝而美國牛我就偏愛封門柳同埋牛小排 兩款嘅肉質都好軟稔 牛味仲好濃郁▫️雞類上次食過炭火雞 一直念念不忘 望落去黑蚊蚊嘅雞🦃意料之外咁好味 師傅好好人幫我哋燒 處理得好好 除咗鮮雞肉味 仲有淡淡嘅炭燒味 肉質好鬆化 而日本雞
上次同朋友飽到捧住個肚走 今次都一樣無留手😆
▫️前菜/小食
青蘋果沙律好大盤🍏有爽口嘅青瓜絲同蘋果絲 加埋蟹籽同蟹肉 酸酸甜甜好開胃 而燒鱈魚乾係我食日本嘢每次必點 烘到脆脆地好香口 點埋蛋黃醬勁好味
▪️牛類
要咗兩款主打 第一款係日本和牛牛頸脊 係店員推介俾我哋 果然冇介紹錯🤤好耐冇試過入口即溶嘅感覺 油脂夠香又唔會太過膩滯 而且勁大一塊 兩個人share啱啱好 另外仲有呢度嘅招牌 牛肉盛合 係廚師發板嚟嘅 精選咗唔同嘅牛肉部位🐂有7款咁多 分別有美國同日本嘅牛 每款有兩件 日本和牛嘅牛背峰同belly位 唔洗講當然又係正 雖然不及牛頸脊嘅溶化程度 不過都半溶架啦😝而美國牛我就偏愛封門柳同埋牛小排 兩款嘅肉質都好軟稔 牛味仲好濃郁
▫️雞類
上次食過炭火雞 一直念念不忘 望落去黑蚊蚊嘅雞🦃意料之外咁好味 師傅好好人幫我哋燒 處理得好好 除咗鮮雞肉味 仲有淡淡嘅炭燒味 肉質好鬆化 而日本雞頸我都大推 調味好正 勁香
▪️豬類
簡單地叫咗兩款 第一款係豚肉入包住蒜芯 口感較有層次🐖而另一款中間係明太子同紫蘇 豚肉本身已經好香 食到中間嘅明太子 將味道再提升咗
▫️海鮮類
師傅真係勁好人 大部份嘅海鮮都幫我哋燒埋🥹白鱔幾肥美 點少少柚子味嘅醬料 味道清新 而南非鮑魚燒到好稔 好有鮮味🦪如果同我一樣係蒜蓉愛好者 就要叫呢個日本蒜蓉大虎蝦 燒完都好大隻 將蒜蓉毫不吝嗇咁放喺面一齊燒 係會令我好回味嘅味道🦐最後甲羅燒我嘗試自己燒 諗住好簡單 點知原來未燒夠🤣好彩店員見到 教返我哋應該燒到咩程度 最後終於有完美嘅成品 蟹膏蟹肉份量平均 鮮味濃郁得嚟唔浮誇 配cracker食啱啱好
Post
