漲格重慶老火鍋 (Closed)

一直都好鐘意食重慶火鍋，之前通常都係去渝味曉宇，上年冬天誇張到，隔一個星期就會諗起去食一次，但近期再去，感覺好似退步左，所以就開始發掘新地方食麻辣鍋。漲格係其中一間，d料幾新鮮，個辣都ok，隻牛油熊仔好cute，唔忍心溶左佢黎食🙈其實都食得幾開心，係略嫌有d貴，可能因為唔太多餸可以叫半份（個人覺得可以叫半份好重要，因為好多時人少少都想打邊爐，又唔想食太大份，可以叫半份就可以叫多d款。）但個菇湯就差少少，望落好多菇，但食落好淡口，完全唔香。同埋啤酒有得叫大杯就好，太細支食辣野兩啖就飲完😂