Video
Read full review
2018-02-12
374 views
我係呢個月內「被逼」食第二次北京片皮鴨，兩班唔同既朋友不約而同提出要食鴨，上次食左大都，呢次就試美心旗下既美中鴨子。冇錯啦，美中鴨子就係一間專門叫鴨，啊唔係，食鴨料理既店，京淮菜再加粵菜，口碑唔錯，加之位於海港城，所以都預左要拎飛排隊。終於，等左四十分鐘就可以入去。話之明食鴨，當然唔少得叫半分片皮鴨，不過由於太多人既關係，等隻鴨上又等左廿分鐘。先上既係小籠包，都可以填填肚。一籠6粒，皮薄而透，隱隱約約都睇到入面D湯汁，一口咬落去更係不得了，D皮凍融化曬左湯，係舌尖上流入喉嚨，好鮮甜。食食下鴨終於得啦！半份鴨配鴨皮、一籠荷葉蒸餅皮另外有京蔥青瓜同填鴨汁。鴨皮好酥脆，呢點抵讚，但係亦要批評，同上次我係大都食到既鴨皮相比，呢度脂肪好似冇刮到咁，入口感覺比較肥膩。鴨肉份量都算出奇地多，比起鴨皮多成倍，有種妹仔大過主人頭既Feeling。雖然肉多，但可惜有D鬆散，荷葉餅都稍微厚左D。如果話專程黎食呢個鴨，老實講我係有失望既，因為比起大都隻烤鴨呢度係冇咁出色。馬頭蘭百頁素卷，以百頁（豆皮）包住切碎左既菜苗，樣子非常精緻，味道就清清淡淡好清新，可減油膩感。茶樹菇上湯翡翠苗，中規中矩，就係上湯浸豆苗，
冇錯啦，美中鴨子就係一間專門叫鴨，啊唔係，食鴨料理既店，京淮菜再加粵菜，口碑唔錯，加之位於海港城，所以都預左要拎飛排隊。終於，等左四十分鐘就可以入去。
話之明食鴨，當然唔少得叫半分片皮鴨，不過由於太多人既關係，等隻鴨上又等左廿分鐘。先上既係小籠包，都可以填填肚。一籠6粒，皮薄而透，隱隱約約都睇到入面D湯汁，一口咬落去更係不得了，D皮凍融化曬左湯，係舌尖上流入喉嚨，好鮮甜。
食食下鴨終於得啦！半份鴨配鴨皮、一籠荷葉蒸餅皮另外有京蔥青瓜同填鴨汁。
鴨皮好酥脆，呢點抵讚，但係亦要批評，同上次我係大都食到既鴨皮相比，呢度脂肪好似冇刮到咁，入口感覺比較肥膩。
鴨肉份量都算出奇地多，比起鴨皮多成倍，有種妹仔大過主人頭既Feeling。雖然肉多，但可惜有D鬆散，荷葉餅都稍微厚左D。如果話專程黎食呢個鴨，老實講我係有失望既，因為比起大都隻烤鴨呢度係冇咁出色。
馬頭蘭百頁素卷，以百頁（豆皮）包住切碎左既菜苗，樣子非常精緻，味道就清清淡淡好清新，可減油膩感。
茶樹菇上湯翡翠苗，中規中矩，就係上湯浸豆苗，不過加左我鍾意既茶樹菇，味道都幾鮮,同埋好有效地減低片皮鴨帶黎既「漏」。
麻婆豆腐，唔係話特別驚豔，麻味辣味都唔係好出，但佢地加左雞縱菌入去，添加左一層雞肉鮮味。
炸松葉蟹鉗，要兩隻起Order，蟹鉗都叫大隻，入口冇油壓味，外脆內爽口，蟹膠好彈牙，點埋隻甜酸醬更加係天衣無縫。
就好似上面咁講，如果話專登為左片皮鴨黎食，等既時間同隻鴨既味道未令我覺得需要真係花時間等候。店既環境係舒適既，睇落都係精緻既，不過我要等咁耐就免啦！
Post
