神燈海鮮酒家 (V Point)

Open Now

Now Closed

之前每次食神燈都要過佐敦，但而家銅鑼灣都有分店啦！🎉👏🏻 爸爸想食燒鵝，可惜呢晚個爐忽然壞咗無得食因為所有燒鵝都係即燒架！🦀《 糯米炒膏蟹 💲588 》用上來自鹹淡水交界嘅14兩斗門蟹🦀味道鮮香、肉質嫩滑～加上泰國口感煙韌嘅糯米，蟹汁滲透飯粒中，每一口糯米飯飽吸了蟹黃蟹膏以及蟹肉嘅鮮香～🐠《 招牌焗魚腸 💲118 》用鯇魚腸 ，肥美而甘腴可口，加入15年陳皮、用日本雞蛋等，兼係生焗魚腸，入口甘香。🐟《 蜜汁脆燒鱔 💲278 》 用蜜汁燒，外皮燒到脆卜卜，鱔肉厚身嫩滑又爽脆，仲有油脂同肉汁， 讚讚👍🏻🐷《 即燒伊比利亞叉燒王 💲258 》選用伊比利亞豬燒製，口感極細膩極稔，脂香中帶橡果香～讚讚👍🏻🐽《 滷水豬生腸 💲158 》以前怕食豬生腸其一係怕韌，今次一試令我完全改觀！口感爽脆又入味，完全唔韌，原來豬生腸係好食架😌 下次一定要食到招牌燒鵝！