榮忠大排檔

Open Now

Now Closed

鋪頭外面長期都有好多人黎買燒味，之前無意中係雜誌到睇到呢到有得食炒蛋叉燒飯，賣相都幾吸引，今日放工經過就入去試下先。位置唔多，坐得都唔係太舒服，餐廳有其他常餐揀。不過我就係為咗食個叉燒炒蛋飯先入黎就嗌翻呢個招牌喇梗係。少爺炒蛋叉燒飯 ($46)個炒蛋真係炒得幾滑，不過對叉燒就有啲失望。睇相都見到啲叉燒每一舊都比較瘦，咬落偏硬同偏乾，加上叉燒厚切感覺更加硬。如果啲叉燒係半肥瘦就會好食好多。加上我覺得即使個蛋好滑但係始終成個飯冇汁，叉燒又硬，食落覺得還可以。餐廳位置坐得又唔係好舒服，未必會再訪。