Video
Read full review
2010-07-15
29 views
上個星期, 師傅心血來潮想黎呢間食店, 於是趁住放飯時間, 就過黎呢度食一餐啦; 其實唔知點解想黎, 但當時個腦淨係浮現左呢間食店, 再屈指一算, 原來師傅都有成年幾冇黎過呢間食店, 唔知水準有冇變到呢? 入到食店唔算多人, 皆因時間比較早, 行埋去求其搵個位坐底, 坦白講招呼欠奉, 絕對唔會有伙計帶位, 全程自動波; 師傅坐底後睇下有咩想食, 睇睇下就好想食雲吞麵, 又好想食炸醬麵, 但更加想食叉燒飯, 所以最後還是不敵叉燒飯嘅威力, 就柯打左一碟叉燒飯!叉燒飯所等嘅時間都比較耐, 呢一點真係令師傅有少少費解! 叉燒飯終於登場, 根據師傅嘅非正式統計大約等左十分鐘, 叉燒飯賣相幾好, 仲有幾條菜心伴碟, 係咪正菜就未知, 真係要試過先知, 正當師傅準備將d菜心放入口時, 發覺菜心內裡好多沙, 好明顯冇咩點洗過啦, 師傅喺咁嘅情況下當然係棄車保帥啦; 再試下叉燒, 叉燒真係燒得幾香, 肉身鬆軟, 而蜜味唔會太甜, 味道洽到好處, 都算得上幾有水準; 師傅記得上次白飯係好濕, 而是次白飯回復正常, 令叉燒加白飯呢個配搭發揮得淋漓盡致, 得喎!總括黎講叉燒飯質素甚佳, 環境光猛舒服, 服務
入到食店唔算多人, 皆因時間比較早, 行埋去求其搵個位坐底, 坦白講招呼欠奉, 絕對唔會有伙計帶位, 全程自動波; 師傅坐底後睇下有咩想食, 睇睇下就好想食雲吞麵, 又好想食炸醬麵, 但更加想食叉燒飯, 所以最後還是不敵叉燒飯嘅威力, 就柯打左一碟叉燒飯!
叉燒飯所等嘅時間都比較耐, 呢一點真係令師傅有少少費解! 叉燒飯終於登場, 根據師傅嘅非正式統計大約等左十分鐘, 叉燒飯賣相幾好, 仲有幾條菜心伴碟, 係咪正菜就未知, 真係要試過先知, 正當師傅準備將d菜心放入口時, 發覺菜心內裡好多沙, 好明顯冇咩點洗過啦, 師傅喺咁嘅情況下當然係棄車保帥啦; 再試下叉燒, 叉燒真係燒得幾香, 肉身鬆軟, 而蜜味唔會太甜, 味道洽到好處, 都算得上幾有水準; 師傅記得上次白飯係好濕, 而是次白飯回復正常, 令叉燒加白飯呢個配搭發揮得淋漓盡致, 得喎!
總括黎講叉燒飯質素甚佳, 環境光猛舒服, 服務就頗差, 眼見d食客叫極都冇人理真係替佢地心痛, 而價錢都算一般啦, 三十二蚊一碟, 冇湯冇茶, 抵食程度一般啦; 師傅覺得如果喺呢區想食得好少少嘅叉燒同坐得舒服少少, 而又唔介意服務態度差的話, 呢間食店係值得考慮; 笑臉比唔到係因為服務太唔得, 會否再來就要視乎師傅想唔想受氣喇!
Post
