好燒味 (Closed)

我想介紹我今日嘅午餐，好燒味嘅六寶飯$74.3。好搞笑，俾咗啲醬我，但係冇碟放嘅？最後靈機一觸，攞個鹹蛋殼放住啲醬先啦😂😂中環食lunch出名貴，呢間價錢已經叫做經濟。打開個飯盒，望到有咁多餸真係好開心（咁先至係㗎嘛）可惜叉燒俾咗個較為硬嘅位置我，但係鹹蛋、燻蹄、白切雞、燒鴨、燒肉，全部都超超超高高高水準。尤其係啲雞肉好滑，燒肉肥瘦適中，所以一定要再試👍🏻我見餐牌有慢煮叉燒，不過價錢會貴啲，可能下次要試一試。