皇御園 (Closed)

久仰皇御園叉燒飯大名，聽聞除咗叉燒好食，飯盒內嘅豆角係好食到唔會食剩，既然人人力讚，當然要試一試😋叉燒飯有一半係半肥瘦叉燒，一半瘦叉燒，半肥瘦好好食😋 瘦叉燒就相對冇咁吸引。同行3個朋友嘅叉燒飯都係全盒半肥瘦，我嘅手氣差咗少少... 最估唔到係豆角嘅味道，見佢係同叉燒擺埋一齊以為係會蜜汁味，但原來係浸咗辣油，不過只有辣油嘅麻香，食唔到有辣味，幾有驚喜用埋openrice優惠碼叫外賣只係$40，以區內燒味飯嚟講好抵食。