明珠閣 (Closed)

之前聽朋友話過呢間餐廳既叉燒好好食，仲係前西苑大廚主理，前幾日就同朋友黎試一試。我地四個人，叫左叉燒皇，蝦餃，鴨舌同埋蒜蓉海中蝦蒸飯～叉燒皇肉質鬆軟、燶邊位燒得好香，蜜味又夠甜美，而且肥瘦適中。蒜蓉海中蝦蒸飯真係好讚，好像食蒜蓉開邊蝦，再用蒜蓉撈飯咁美味，每啖飯都有蒜味！蝦餃皮薄，餡料又足料，蝦肉新鮮及筍絲爽口。鴨舌鹵得不錯，夠入味，我個人真係好鍾意食鴨舌～呢日中午12點幾來到，等左15分鐘位就有位坐，開放式設計，夠causal，最適合家庭及朋友聚會。