Chop Chop 食神叉燒 (宏安道) (Closed)

食神叉燒有名你叫啦，入面仲有個必食嘅暗然銷魂飯等緊你啊，快啲快啲嚟試下啦😋😋😋佢仲有個二人餐嘅，可以俾你揀兩樣燒味，一個小菜，一個菜，兩個飯或者係麵😍😍個套餐都幾多嘢食，其實都好夠飽，燒味方面梗係嗌咗佢嘅必食叉燒同埋燒腩仔啦，首先叉燒肥瘦超均勻同埋從未食過咁有Juicy嘅口感，佢嘅肉汁鎖住喺叉燒入面，火喉啱啱好先可以燒出咁出色嘅叉燒，真係化腐朽為神奇，咁普通嘅叉燒都可以做到咁正👍🏻👍🏻👍🏻👍🏻，燒腩仔都唔弱，佢嘅肥瘦都好均勻皮脆肉嫩，肉質超爽，仲要唔咸，配上芥辣真係絕頂🤤🤤🤤另外個小菜係咕嚕肉，雖然同出邊嘅味道唔係太大分別，但佢嘅咕嚕肉都大大嚿，唔會好厚粉，炸出嚟先至會均勻，再配咗個蒜蓉炒菜心，炒出嚟嘅菜心綠油油，一啲都唔老，蒜蓉夠晒香😆😆😆