Video
Read full review
2022-09-28
629 views
好耐冇去過長洲，難得去到梗係要搵吓有咩食啦，見有人介紹呢間Cafe好似幾好食咁，都係抱住打卡心態過去，應該都係啲貴又唔飽嘅cafe，仲唔知會唔會要排長龍添。呢日嚟到長洲係星期五，街上都有好多人，但係呢間Cafe竟然冇人排隊，一入去就有位，只係一間小店，得十幾個位，如果假期應該真係要排隊！天氣熱，一坐低老闆娘就即刻拎兩個風扇嚟俾我哋吹，坐咗5分鐘左右，另一枱走咗，老闆娘即刻叫我哋坐過去，話嗰度涼啲，仲係4人枱添，其實店入面有2部冷氣，都唔係好熱。老闆娘負責落單、煮嘢食、收錢，得佢一個煮，即叫即整，所以真係要耐心等等，不過呢日得我哋一枱客食嘢，另一枱客淨係飲咖啡，所以我哋都唔洗等好耐先有得食，不過一定係逐樣煮逐樣上，係cafe慢慢食都幾好丫。老闆娘上菜嘅時候仲會同我哋介紹佢點沖呢杯飲品，下面落咗咩上面加咗咩，之後又問我哋會唔會太甜。蜜桃梳打唔甜，我好怕甜，好彩唔算甜，但又唔會好淡，唔甜所以飲到好香桃味。擁抱星塵(紅莓、青檸、蜜桃、蝶豆花、玫瑰花瓣、梳打水)蝴蝶裝飾係用糯米做，浸淋佢可以食埋，杯飲品除咗睇落靚，都好飲，唔會好酸或者好甜午餐得一個選項係意粉，可以加錢加煙三文魚或者黑松露，我哋兩
呢日嚟到長洲係星期五，街上都有好多人，但係呢間Cafe竟然冇人排隊，一入去就有位，只係一間小店，得十幾個位，如果假期應該真係要排隊！
天氣熱，一坐低老闆娘就即刻拎兩個風扇嚟俾我哋吹，坐咗5分鐘左右，另一枱走咗，老闆娘即刻叫我哋坐過去，話嗰度涼啲，仲係4人枱添，其實店入面有2部冷氣，都唔係好熱。
老闆娘負責落單、煮嘢食、收錢，得佢一個煮，即叫即整，所以真係要耐心等等，不過呢日得我哋一枱客食嘢，另一枱客淨係飲咖啡，所以我哋都唔洗等好耐先有得食，不過一定係逐樣煮逐樣上，係cafe慢慢食都幾好丫。
老闆娘上菜嘅時候仲會同我哋介紹佢點沖呢杯飲品，下面落咗咩上面加咗咩，之後又問我哋會唔會太甜。
蜜桃梳打
唔甜，我好怕甜，好彩唔算甜，但又唔會好淡，唔甜所以飲到好香桃味。
蜜桃梳打
$20
3 views
0 likes
0 comments
擁抱星塵(紅莓、青檸、蜜桃、蝶豆花、玫瑰花瓣、梳打水)
蝴蝶裝飾係用糯米做，浸淋佢可以食埋，杯飲品除咗睇落靚，都好飲，唔會好酸或者好甜
擁抱星塵
$58
4 views
0 likes
0 comments
午餐得一個選項係意粉，可以加錢加煙三文魚或者黑松露，我哋兩樣都冇加，配料主要煙肉同菇，厂汁的，意粉較乾身不過唔硬，只係香草同芝士粉，都幾多芝士粉，味道好濃。
午餐包一杯烏龍茶，加咗$20升級做蜜桃梳打。
意粉
$58
7 views
0 likes
0 comments
炸雞翼
即炸熱辣辣又脆，上面少許香草，味道唔會太勁，雞翼好juicy
炸雞翼
$36
4 views
0 likes
0 comments
炸墨魚咀
本身叫炸薯條但冇晒，老闆娘問我哋試唔試墨魚咀，話好食，咁就試吓啦。試完覺得，真係好彩冇晒炸薯條，先試到墨魚咀，好香脆，好有口感，老闆娘話似雞軟骨但我覺得唔太似，雞軟骨難咬好多，呢個係爽口彈牙，啲墨魚咀咁細粒，以為炸完會每粒都有一半係粉，點知個炸粉好薄。
炸墨魚咀
2 views
0 likes
0 comments
網上推介呢間cafe出名嘅係芋泥吐司，當然要叫份試吓。
一份有2件，一人一件岩岩好，吐司有芋泥肉鬆同芋泥珍珠，揀咗芋泥肉鬆，本身好唔鍾意食肉鬆，諗住撥走晒佢，試一啖又ok，因為唔濃肉鬆味同埋唔鞋。
入面有好多芋泥，爆晒餡，好食，啲芋泥唔會好甜，唔會食到好滯，不過有啲意外係原來唔係熱辣辣，係室溫，但個包都唔會太硬。
紫薯芋泥肉鬆吐司
$40
4 views
0 likes
0 comments
紫薯芋泥肉鬆吐司
$40
3 views
0 likes
0 comments
最後兩個人食到好飽都係食咗2百幾蚊，又睇得又食得，打卡好睇，食又好食。仲唔洗收加一，好抵，老闆娘仲好隨和。
最後老闆娘話佢哋巴斯克芝士蛋糕都好食，問我哋試唔試，但好飽食唔落啦，留翻下次再試啦。
Post
