傷心酸辣粉 (馬鞍山中心) (Closed)

今日一行二人黎到食晚餐，當然要試佢地最出名既傷心酸辣粉。入到餐廳，整體感覺都算乾淨企理，座位都多而且唔算太迫，食得舒服我地嗌左酸辣粉既二人餐，入面可以點3碟餸同2碗粉麵。我地第一碟叫左鹵水拼盤，拼盤有雞翼，鹵水蛋，同埋一啲內臟(腸同肺片?!)；味道都唔錯既，不過不失。第二碟就係豬耳，豬耳幾爽幾脆但都幾辣。最後一碟就叫左油菜，黎到原來係生菜，正啊主角當然係碗酸辣粉，由於本人唔太食到辣，所以挑戰食微辣微辣對我黎講岩岩好，無豬耳咁辣，而且酸味都帶到出黎唔會比辣味蓋過，唔錯而且粉入面仲有花生，蔥，肉碎等等配料。同埋，酸辣湯底配薯粉都好正，除左吸到湯之外，口感幾彈牙，仲有飽肚感。另外，一碗就叫左小辣，不過成碗野已經紅左好多因為我唔太食到辣，所以仲嗌左杯椰汁，解解辣，跟餐加7蚊整體而言，酸辣粉幾好味，啲餸就相對差少少。