Video
Read full review
2023-10-26
24 views
我平時間唔時就會食吓精緻小小嘅港女蛋糕，朋友推介雙魚小姐社交平台 shop俾我，話呢間店嘅蛋糕和烘焙製品樣靚又好味，最近仲喺尖沙咀開埋實體店。成日喺尖沙咀出沒嘅我，途經實體店，醒起朋友介紹，一於入去幫襯吓！去到門口見到黑色條紋門面、雲石地階，透明櫥窗透着彩色花海和擺放別緻嘅產品，可見店舖老闆對格調嘅追求。入到店舖，黑白色牆板和櫃身、木紋地板，加上射燈光影，感覺優雅雅致。店舖內設兩張小圓枱供客人堂食，兩面牆display左花束、永生花擺設、酒類、慶祝用品等，原來雙魚小姐不只售賣蛋糕和烘焙品。近門口位置一個大玻璃櫃展示出我今次想幫襯嘅蛋糕和餅塊！花多眼亂，件件出品外貌都好似唔錯，而且店舖幾貼心有唔同牌仔介紹產品！新店開業仲有優惠活動，現凡於新店內惠顧任何產品只要follow店舖社交平台同打卡等，即減$10。✔️雙魚小姐招牌松露奶油芝士卷$48見到得返最後一件，立刻拿下，呢件芝士卷好強調層次感，內層包身彈牙有嚼勁，外層焦香酥脆，底層塗有焦糖醬，面層芝士奶蓋混入白松露油，味道甘香又不霸道，松露香氣會係口腔徘徊良久。✔️濃厚抹茶巴斯克芝士蛋糕$50抹茶味係我喜愛嘅味道，呢件蛋糕唔算大件，但飽肚感十足
去到門口見到黑色條紋門面、雲石地階，透明櫥窗透着彩色花海和擺放別緻嘅產品，可見店舖老闆對格調嘅追求。入到店舖，黑白色牆板和櫃身、木紋地板，加上射燈光影，感覺優雅雅致。店舖內設兩張小圓枱供客人堂食，兩面牆display左花束、永生花擺設、酒類、慶祝用品等，原來雙魚小姐不只售賣蛋糕和烘焙品。近門口位置一個大玻璃櫃展示出我今次想幫襯嘅蛋糕和餅塊！花多眼亂，件件出品外貌都好似唔錯，而且店舖幾貼心有唔同牌仔介紹產品！
新店開業仲有優惠活動，現凡於新店內惠顧任何產品只要follow店舖社交平台同打卡等，即減$10。
✔️雙魚小姐招牌松露奶油芝士卷$48
見到得返最後一件，立刻拿下，呢件芝士卷好強調層次感，內層包身彈牙有嚼勁，外層焦香酥脆，底層塗有焦糖醬，面層芝士奶蓋混入白松露油，味道甘香又不霸道，松露香氣會係口腔徘徊良久。
✔️濃厚抹茶巴斯克芝士蛋糕$50抹茶味係我喜愛嘅味道，呢件蛋糕唔算大件，但飽肚感十足，真材實料！上層cream滑溜易入口，上面撒滿精選抹茶粉，濃郁帶少苦澀，平衡奶油忌廉甜膩感。中層某處塗抹咗抹茶醬，更顯濃厚茶味，蛋糕牛油香滿滿，整件混和咗抹茶粉，全方位呈現抹茶風味，抹茶控必試！
✔️開心果流心麻糬牛油鬆餅$45呢個鬆餅層次做得唔錯，內層開心果忌廉芝士餅餡有柔和奶油味，口感鬆軟，搣開中間位置嘅麻糬流出，香甜綿密，外層見到特別深色焦烤一層，濃厚一層烘焙香氣，亦特別脆香。面層烤過嘅開心果粒大小不一，增添口感。
✔️香烤伯爵鮮奶茶$40
一向鍾情茶和奶類製品，兩者結合一定唔會出錯，採用4.3日本明治牛乳，奶味剛好，質感輕盈滑溜，手工烘烤伯爵茶茶味濃度亦恰到好處，滲出獨有香氣。
Post
