東海堂 (新都會廣場)

Open Now

Now Closed

平時買開東海堂蛋糕, 估唔到佢地已經發展到新嘅業務 -- 開CAFE。是日小弟拍拖同老婆經過新都會廣場，個腦唔知食乜好果陣, 就見到佢。見到個2人套裝$136好似好抵食, 所以叫左一個花畑芝士鮮蝦蕃茄意粉同埋一個大SIZE 既沙律. 另外包兩杯野飲。花畑芝士鮮蝦蕃茄意粉味道可以話中規中矩, 蕃茄醬有少少稀, 賣相正常。沙律可以揀三款一齊合併做一盒, 叫左個日式南瓜沙律+炒麵沙律+凱薩沙律。三個都好好味, 尤其日式南瓜沙律有碎蛋同蛋黃醬加持, 老婆十分鍾意!飲品方面就加$12叫左個熱宇治黑糖水晶同榛子牛乳可可, 各有特色, 熱飲就細杯左D, 推介大家飲凍飲會抵D。