Bigger Burger Cafe (Closed)

收工攰乃乃又肚餓，梗係即刻搵嘢食，行經呢間餐廳，望入去感覺好優悠，牆邊掛滿佈置， 好有一種令人放鬆的感覺， 九秒九唔使諗即刻入咗去坐低。侍應態度良好，已經行埋嚟問我需唔需要一杯冰水，之後我打開餐牌 佢亦在旁介紹皇牌美食，而我二話不說即刻點了一份水牛城雞翼同埋龍蝦意大利飯，最後見到蟹肉焗啡菇都好吸引所以都點選埋， 上餸速度正常。先嚟一個餐湯 薯仔菜湯味道獨特 配蒜蓉包， 不過不失，跟住食到差唔多，侍應好細心咁問我是否可以上第二度 菜。之後出場係水牛城辣雞翼，味道濃中帶點辣，炸嘅程度啱啱好，唔會太乾身，六隻好快就咁畀我食曬。之後就到龍蝦意大利飯，龍蝦啖啖肉， 啲飯亦都有好濃嘅龍蝦汁味，在口中 有一種意猶未盡的感覺。雖然食完呢三味餸已經捧著肚，但蟹肉焗啡菇 一上枱 ，已經問到好香 烤菇味，蟹肉入口即溶 再加上 濃濃的芝士 簡直食到停唔到口。絕對值得安歌！下次決定同朋友一齊食，再叫多d款色。